Verdsmeisterskapen på skeiser 2022 i firkamp vart avvikla i Vikingskipet på Hamar laurdag 5. og sundag 6. mars. 20 menn og 14 kvinner frå 18 ulike land deltok i meisterskapen. Det var åttande gongen Vikingskipet var arena for ein verdsmeisterskap i firkamp.
Svenske Nils van der Poel vart verdmeister etter å ha vore suverent best både 5 000 meter og på mila. Denis Morozov frå Kasakhstan var bestemann på 500 meter, medan Bart Swings som representerte Belgia sigra på 1500 meter.
Irene Schouten frå Nederland vart verdsmeister i kvinneklassa, ho vann også 3 000-meterløpet. Japanske Miho Takagi skreid inn til triumf på dei kortaste distansane, medan tsjekkiske Martina Sáblíková atter ein gong fekk bestetid på 5 000-meteren.
Dei fire norske deltakarane vart nummer 4 Peder Kongshaug og Ragne Wiklund, 5 Sander Eitrem, 14 Sofie Karoline Haugen og 18 Kristian Ulekleiv.